Zjarri i madh që përfshiu katedralen mesjetare të Parisit “Notre Dame” bëri që shumë njerëz nga bota të kthenin sytë nga ajo si dhe të jepnin kontributin e tyre.
Ndër to edhe vendi ynë kontribuoi me një shumë modeste prej 100 mijë eurosh, dhe kjo ka qenë tema e debatit që ndezur opinionin publik.
Gjithçka filloi nga një foto që po qarkullonte në rrjete sociale në të cilën shfaqej biseda mes trashëgimtares së Top Channel, Sara Hoxha dhe motrës së saj të vogël Redia.
Sara ironizon situatën teksa bisedon me motrën e saj duke thënë se paratë e dhurura për Notre Dame shkojnë vetëm për ndërrimin e bravës së derës. Më tej ajo e “nxeh” akoma më shumë situatën duke shkruar se me aq para ajo ka blerë kuzhinën e saj.
Publiku është irrituar nga këto fjalë të saj dhe i kanë kujtuar edhe një herë se kush është. Ato i vënë në dukje faktin se vetë po shpenzon paratë e biznesit të ngritur me mund nga babai i ndjerë dhe ende nuk ka arritur të bëjë diçka të veten me të cilën mund të krenohet.
Ende nuk ka asnjë reagim të Sara Hoxhës e cila me siguri e ka kuptuar se duhet të tregohet e kujdesshme me fjalët e saj në të tilla raste…
/AlpeNews.al
