Që Shqipëria ka shoferë problematikë automjetesh, ky tashmë është një fakt i njohur. Por reperi Stresi duket se së fundmi ka gjetur mënyrën më origjinale dhe të pazakontë për të bindur jë shofer para tij që t’i lirojë rrugën.
Siç shihet në një video të postuar prej tij në Instagram, Stresi ndodhet në makinë së bashku me miqtë e tij ndërkohë që shprehet i bezdisur për faktin që automjeti para tij nuk po i lironte rrugën.
Por duke përfituar nga fakti që makina përpara kishte të vendosur në xham numrin e telefonit të shoferit pasi ishte në shitje, djemtë kanë vendosur ta telefonojnë dhe me mirësjellje, i kanë kërkuar shoferit të lirojë rrugën.
“Pash Zotin, taksirat se jemi duke ardhur pas teje, na e liro pak rrugën!”-dëgjohet t’i thotë një prej djemve shoferit në telefon, ndërkohë që të tjerët qeshin me të madhe.
