Këngëtarja shumë e dashur për publikun, Albërije Hadërgjonaj ka treguar se nuk ka qenë mirë këto ditë. Ajo ka publikuar në Instastory video pas aktivitetit fizik që ka bërë, teksa tregon se ka pasur simptoma të gripit.
Megjithatë Albërija nuk është testuar por ka pirë çaj limoni e xhinxheri. “Avulli dhe shumë çaj me limona e xhinxher është shkatërruesi i këtij virusi”, shkruan ajo, mirëpo deri tani nuk është vërtetuar që limoni dhe xhinxheri luftojnë Koronavirusin, thjesht mund të forcojne imunitetin.
Po ashtu këngëtarja ka këshilluar fansat të bëjnë sa më shumë aktivitet fizik dhe të ushqehen mirë.
“Sapo mbarova rutinën e ditës, edhe pse kam qenë me grip këto ditë, nuk jam testuar. Kam qenë jo mirë këto ditë megjithatë ushqehuni mirë, aktivitet fizik dhe s’keni asnjë lloj problemi! Ju dua shumë, qëndroni në formë”, shprehet Alberija.
