Nëse ka diçka që po përhapet akoma e më shumë është printi i lëkurës së lopës.
Fillimisht ishte Kylie Jenner, e cila në janar pozoi me një kostum banje me printet e lëkurë lope të markës “Onia”, që kushtonin 195 dollarë.
Blogerja Danielle Bernstein gjithashtu u shfaq me versionin bikini të kostumit dhe për të kishim dy fjalë: “Super seksi!”.
Ndërkohë që vetëm pak javë më parë ky trend po përhapej me shpejtësi edhe në artin e thonjve. Kendall Jenner me Ariana Grande-n na siguruan që duhet ta provojmë të paktën një herë.
“E di që duket shumë e çuditshme, por është një trend i lezetshëm”, tha Jenner për “Allure”, pak kohë më parë.
Por tashmë Dua Lipa e çoi këtë trend në një tjetër nivel! Këngëtarja e famshme me origjinë shqiptare pozoi me një kostum me printet e lëkurës së lopës, të kombinuar dhe me kasën e telefonit.
Trendi në fjalë me siguri do të pushtojë Instagram-in dhe një gjë është pak, por e sigurt: Fjala lopë këtë sezon nuk do ketë konotacionin negativ që ka pasur gjithmonë!
