Një vit më parë Loredana e Mozzik u bënë prindër për herë të parë me ardhjen në jetë të Hanës. Vogëlushja feston ditëlindjen e në këtë ditë të veçantë, Loredana ka bërë një dedikim shumë prekës. Këngëtarja shkruan se për të ka qenë një vit shumë i vështirë, por Hana ia bëri të bukur.
Postimi i plotë i Loredanës: “E pabesueshme sa shpejt kaloi 1 vit! Si ishte jeta ime këtë vit? Mami kishte kancer dhe për fat të mirë e mposhti. Babai po vdiste ndërkohë që unë akuzohesha në media për mashtrim. Pas kësaj babi u nda nga jeta. Më pas erdhi ndarja me Mozzik. A duhet t’ju tregoj çfarë viti kam pasur? Një vit të trishtë, por në të njëjtën kohë vitin më të bukur sepse ti Hana ekziston. Shpeshherë mendoj nëse po bëj gjithçka në rregull apo a ja vlen të bëj kaq shumë para kur jeta personale është e kufizuar? Ne jetojmë me idenë se nesër është dita e fundit! Por ndryshe si supozohet të përmbush të gjitha dëshirat e tua? Kush do të ta blejë një qenush nëse ti do? Kush do paguajë për një vizitë në kopshtin zoologjik nëse ti do që të shohësh kafshët? Si supozohet të t’i ofroj të gjitha këto nëse nuk bëj miliona? Ndoshta ti nuk do miliona që të shkosh në kopshtin zoologjik, por të duhen miliona për të pasur një shtëpi. Të duhen para që të jesh e lirë dhe të mos varesh nga askush! Ti nuk e di si të vjen jeta! Ndoshta edhe ty mund të të ndodhë që të martohesh, të bësh një bebe dhe të përfundosh e vetme me fëmijën tënd e cila do jetë jeta jote, rrahja e zemrës tënde, fryma jote. Dhe do të duhet të vareshit nga paratë e bashkëshortit, për t’i ofruar fëmijës një shtëpi të ngrohtë. Mos më keqkuptoni, unë i uroj vajzës time të kundërtën që më ka ndodhur mua. Unë kurrë nuk e mendoja se do martohesha, të ndahesha dhe të përfundoja si mama beqare, por të jem e drejtë, ja kam dalë. Unë punoj dhe shfrytëzoj çdo sekondë të lirë për Hanën. Gëzuar ditëlindjen Hana dhe tani madje po vjen në Tour 2020”.
