Ajo është tërhequr nga muzika prej shumë vitesh tashmë. Po flasim për Orinda Hutën, të cilën së fundmi e ka risjellë në vëmendjen e publikut si këngëtare, Yll Limani.
Ky i fundit ka realizuar një cover me hitin e Orindës të titulluar “Tani e di”, të cilin e ka ndarë me të gjithë fansat e tij në Instagram. Krahas videos këngëtari shkruan: “Pak muzikë në këto ditë të errëta”.
Të shumtë kanë qenë përdoruesit e rrjeteve sociale që e kanë pëlqyer këtë version të këngës së më shumë se një dekade. Ndër to edhe Orinda Huta e cila e ka ripostuar në Instastoryn e saj, teksa ka lënë edhe një mbishkrim për Yllin.
“Po unë, që i pëlqej të gjitha këngët e tua dhe zërin tënd të bukur”,-shkruan Huta.
Sakaq kujtojmë që Orinda dhe Turjan Hyska janë bërë prindër të një vajze të cilën e quajnë, Atara. Huta prej kohësh i është dedikuar familjes dhe moderimit.
