Enca prej vitesh tashmë është në qendër të vëmendjes së medias, por më së shumti për anën profesionale ose fotot provokuese që poston në rrjete sociale, ndërsa jetën e saj private ajo ka ditur ta mbajë larg syrit të publikut. Deri më sot Enca nuk është fotografuar me asnjë mashkull në krah dhe nuk ka deklaruar ndonjë lidhje, megjithatë thashethemet mbi këtë pjesë vazhdojnë.
Së fundmi fansat kanë nisur të aludojnë se çfarë ka mes Encës dhe Gold Ag. Ky i fundit iu përgjigj dje pyetjeve me opsionin e ri të Instagram. Ndër ata që i kishte shkruar, ishte edhe Enca.
Këngëtarja e pyeste nëse e ka xhan dhe Gold Ag i shkruan “Shumë shumë” duke e shoqëruar postimin me puthje dhe duke e treguar publikisht se ajo që i kishte dërguar këtë pyetje ishte Enca.
