Në qershor të 2017 Rihanna u shfaq për herë të parë me të dashurin e saj miliarder, Hassan Jammel. Që prej atij momenti është spekuluar shumë për një zyrtarizim të marrëdhënies, por tani fansat janë plotësisht të bindur se Rihanna do të fejohet së shpejti. Fansat e këngëtares kanë vënë re se ajo ka pëlqyer një postim në ‘Instagram’, i cili fliste për të ardhmen e saj. “Shikoj një unazë fejese dhe një fëmijë. Jo akoma, sepse ajo dëshiron akoma të pijë ndonjë cigare, por unë shikoj se brenda dy vitesh Rihanna do të fejohet dhe do të lindë një fëmijë”, – thotë në video Morgan Stewart, një personalitet i “E! News”.
Pas publikimit të videos të gjithë fansat panë se Rihanna e kishte pëlqyer videon në fjalë, duke lënë vend për dyshime se kjo mund të ndodhë vërtet. “Ajo e pëlqeu, fëmija do të lindë së shpejti”, – shkruante dikush në komente.
Pasi pëlqeu postimin, Rihanna nuk reagoi më duke i lënë të gjithë në mendime. Kohët e fundit këngëtarja dhe partneri i saj janë parë shumë të afërt dhe të dashuruar me njëri-tjetrin, prandaj dyshimet për një fejesë të mundshme mes tyre sa vijnë dhe shtohen.
