Teksa shikonte parashikimin e motin në Televizionin “Klan” aktori i njohur Florjan Binaj ka vënë re një detaj që mesa duket na ka shpëtuar të gjithëve.
Harta e Kosovës e cila shfaqet në ekranin ku janë të vijëzuara edhe hartat e gjithë shteteve të tjera të Europës është akoma me “kufij të diskutueshëm” dhe jo të pavarur.
Flori thotë që vetëm Serbia dhe shtetet e tjera që ende nuk e kanë njohur, i quajnë ende si të diskutueshëm kufijt e Kosovës, të cilët në monitorin e parashikimit të motit shfaqen jo shumë të theksuar, në ndryshim nga kufijtë e shteteve të tjera.
“Një këshillë miqësore miqve kolegë tek “Tv Klan”. Rregulloni hartën e Kosovës si shtet të pavarur, jo si kufij të diskutueshëm.”- shkruan Flori mbi foton e postuar në InstaStory.
“Vetëm Serbia, shtetet që se kanë njohur ende dhe Google me Yahoo i quajnë ende si të diskutueshëm kufijtë e Kosovës”-thotë aktori.
“Mos e merrni për keq, është thjesht një këshillë shumë miqësore për një pakujdesi padashje”- shkruan Flori në mbishkrimin që shoqëron postimit të tij të fundit, duke mos dashur që kjo deklaratë e tij të merret me keqdashësi.
