Moderatorja e njohur, Alketa Vejsiu ndodhet prej ditësh në Londër, prej nga ku ka zhvilluar një bisedë me ndjekësit në rrjete sociale. Një prej tyre i ka drejtuar një pyetje, të cilën ajo e ka konsideruar si të tmerrshme.
“Sa njerëz ke shkelur me këmbë për të arritur aty ku je?”, i ka shkruar ndjekësi. Alketa nuk ka hezituar t’i përgjigjet, duke thënë se është mbështetur gjithmonë te aftësitë e saj dhe puna.
“Ua ç’pyetje e tmerrshme! As kam shkelur dhe as kam bërë kompromise ndonjëherë! Jam mbështetur te talenti, te përsosja e aftësive, te pasurimi me dije, te konkurrenca me veten, te puna”, ka replikuar moderatorja.
Përgjatë kësaj periudhe, Alketa do të jetojë mes Tiranës dhe Londrës.
