Fifi është padyshim një prej artisteve më të suksesshme dhe më të njohura shqiptare. Këngëtarja nga Ferizaj edhe gjatë kësaj periudhe mbetet e angazhuar me projekte dhe koncerte të shumta. Para disa ditëve 28-vjeçarja ka gjetur kohë që t’ju përgjigjet disa pyetjeve të fansave rreth jetës private dhe karrierës.
E pyetur nga një ndjekës në rrjetin e saj social Instagram se “me cilën këngëtare do të kishte dëshirë të bënte një këngë”, Fifi tha emrin e këngëtares së njohur shqiptare, Tuna teksa i bëri edhe tag artistes.
Të njëjtin postim e shpërndau edhe vet Tuna në InstaStory teksa shkruan: “A jem?”
E mesa duket një ‘Ask’ komplet rastësor u bë sebep për një bashkëpunim mes tyre që gjasat janë të vijë më shpejt nga çfarë mendimin. Teksa, dy bukuroshet u takuan me njëra-tjetrën para disa ditësh duke na treguar se kanë nisur të punojnë mbi duetin e tyre, ndoshta artistet kanë nisur dhe xhirimet e videoklipit.
Thënë kjo nga postimi më i fundit i Tunës, ku teksa ka postuar foto të sajat, ku duket në të njëjtin vend me fotot e shpërndara dhe nga Fifi disa minuta më parë, komenti i kësaj të fundit është ai që na ka tërhequr vëmendjen.
Oouuu macooooo… si do ja vendosim emrin këngës?
Duket se pas jehonës së madhe që pati deklarimi i çiftit në publik, tanimë dyshja nuk kanë problem të tregojnë se ndajnë shumë kohë me njëri-tjetrin dhe të postojnë bashkë në rrjete sociale. Shpesh Adisi është parë në çdo dalje publike pranë artistes, e po ashtu tashmë edhe si një udhëheqës i karrierës së 28-vjeçares.
Fifi gjithashtu sapo ka lansuar projektin e saj më të ri muzikor në bashkëpunim me artistin Gent Fatali.
