Ajo është kthyer në një nga personazhet më të komentuara në media dhe kjo për shkak se është vajza e këngëtares së njohur shqiptare Albërie Hadërgjonaj, e cila ndryshme nga motra dhe nëna e saj ka zgjedhur që të mos jetë pjesë e muzikës, por e organizimit të eventeve dhe projekteve të ndryshme.
Bëhet fjalë për Agnesa Hadërgjonaj, e cila së fundmi ka qenë e ftuar në rubrikën ‘Dikush’ në ‘Gazeta Shqiptare’, ku për dy gazetaret ka zbuluar më shumë gjëra për jetën e saj. Agnesa është e martuar dhe nënë e një vajze e cila quhet Elektra. Ajo ka zbuluar se pavarësisht se mëmësia është tepër e vështir, bashkëshorti i saj i jep mundësin që shpesh herë ajo të dal me shoqërinë, ndërkohë që ai kujdeset për vogëlushen.
Mirëpo një herë Agnesa e kishte tepruar me orarin dhe bashkëshorti i saj pasi ajo mbërriti në shtëpi ja mbylli derën në surrat.
“Më ka ndodh një herë, isha me shoqen time Ketrinën dhe dolëm për darkë në orën 8 dhe përfunduam në shtëpi në orën 3 të mëngjesit. Burri im erdhi të hapte derën dhe ma mbylli, më pas e hapa vetë, por është shumë i qetë dhe shumë i kuptueshëm.”, tregoi Agnesa duke qeshur.
