Valdrin Sahiti dhe Endrit Mërtiri kanë nisur një “Luftë të Ftohtë” në lidhje me një model fustani që stilisti pretendon se ia kanë kopjuar.
Në fillim ishte Valdrini ai i cili publikoi disa foto të Elvana Gjatës, e veshur me fustanet me fruda tyli, që së fundi ia kemi parë moderatores Luana Vjollca dhe modeles Elena Lika.
Duke qenë se është fotografi Indrit Mërtiri ai i cili ka realizuar setin fotografik të Luanës dhe Elenës, ai ka marrë përsipër që t’i kthejë përgjigje Valdrinit.
Endriti ka publikuar një foto të Aurela Hoxhës 10 vite më parë, e veshur me një fustan të njëjtë, dhe më pas një sërë fotosh të tjera të të famshmeve shqiptare të veshura me fustanin e ngjashëm.
Morali i të gjitha këtyre fotove është se të gjithë frymëzohen nga stilisti Giambattista Valli, i cili është i pari që ka dizenjuar këtë model fustani që do të mbetet ikonë.
Si përfundim, Endriti i mbyll postimet me shprehjen: Suksese në jetë!
