Një nga ikonat e televizionit italian, prezantuesja, balerina, aktorja e këngëtarja, Lorella Cuccarini ishte e ftuar mbrëmjen e sotme në “Piter Pan” ku foli për jetën dhe karrierën e saj. Lorella ka treguar se ajo është rritur vetëm nga e ëma, pasi i ati e ka braktisur të vogël.
“Babai më la dhe iku nga shtëpia kur isha e vogël. Mamaja ka qenë edhe baba, i ka bërë dy figurat shkëlqyeshëm. Por gjëja më e rëndësishme është se mamaja nuk na e prezantoi babain si figura që nuk duhet admiruar. E ka mbrojtur babain. Edhe kur dashuria mbaron, duhet të duhemi dhe të respektohemi për të mirën e fëmijëve”, tregoi Lorella.
