Pas shumë kohësh në pritje për ta parë krah bashkëshortit Bes Kallaku, Xhensila Myrtezaj ishte dje e ftuara speciale e “BE Coffee”.
Që prej fillimit të sezonit të emisionit, të gjithë e prisnin Xhensilën të ishte e ftuara kryesore. Para se të hynte në studio, dy kolegët Erion Isai dhe Olsi Bylyku i kërkuan llogari Besit se përse vonoi kaq shumë të sillte Xhensilën në emision.
Në fillim ishte menduar që sezoni i parë i emisionit të hapej me këngëtaren, por kjo nuk u arrit dhe Besi dha arsyen e madhe përse.
“E dini ju sa më kushton mua një e ardhme e Xhensilës në televizion? Këpucët, fustani, varsja, manikyri, pedikyri. 1500 euro shpenzime”, u shpreh Besi duke shkaktuar të qeshura në emision.
Por ja më në fund Xhensila doli dhe personi që u gëzua më së shumti për këtë ishte Ermal Mamaqi. Kjo pasi ai prej kohësh i ka bërë ftesë për në emisionin e tij “Xing me Ermalin”, por sigurisht që ekskluzivitetin do ta kishte Besi në fillim:
“Aman shyqyr që dole. Mezi po e prisnim ne të Xingut… besoj e morëm vizën tani🤣”, i shkruan Mamaqi në njërin nga postimet Xhensilës.
Kjo e fundit duket se ka pranuar për të qenë e ftuara e tij dhe kjo duket edhe tek emoji që bën në koment.
