Evi Reçi është një nga këngëtaret më të dashura për publikun shqiptar.
E ftuar në emisionin Tempora në RTV Ora është shprehur se nuk e synoi famën.
Ndërsa shtoi preferon të quhet më shumë artiste pasi fama është fjalë e madhe në Shqipëri.
Evi Reçi: “Që e vogël kur më thonin artiste, numëroja sa njerëz ma kishin thënë. Arritja të bëja një listë me sa njerëz më thonin artiste. Shumë njerëz e synojnë, por mua fama më erdhi pa e llogaritur. 16-vjeç fillova të shfaqesha në festivale, edhe pse muzika kishte kohë që kishte hyrë në jetën time. Asnjëherë se kam synuar. Ka privilegjet e saj, është e bukur por ndodh ndonjëherë që nuk e dëshiron. Por është nën menaxhimin tënd. Nuk ka momente që do thuash, jam e famshme. Është fjalë e madhe. Ne jetojmë në një realitet që është pak larg nga ajo që është vërtet fama. Ndaj më mirë është artiste.”
