Holta Dulaku njihet nga të gjithë si producentja e disa prej spektakleve më të ndjekur në televizionet shqiptare, si “Dancing with the Stars” apo “Tu si que vales”.
E ftuar dje në emisionin “You&Me” në “Radio Energy”, Holta foli për karrierën e saj profesionale, por zbuloi edhe disa sekrete nga jeta personale. Natyrisht që nuk iu shpëtoi edhe pyetjeve thumbuese të moderatorëve të emisionit, Julkës dhe Arionit.
Ajo u pyet gjatë intervistës se çfarë do të ishte e gatshme të bënte për 1 milionë euro dhe përgjigja e saj ishte mëse e qartë. Holta për këtë shumë parash ishte e gatshme të bënte një kalendar nudo dhe madje të bënte edhe seks me një vajzë.
Jo vetëm kaq, por Holta pranoi se do të ishte e gatshme të bënte seks me një mashkull të panjohur.
“Do të bëje seks me një të panjohur?, u pyet ajo nga Julka.
“Po me, varet tani…Po të ishte një si Rob Redford”, ka treguar producentja duke qeshur.
Duke qenë se për pyetjen e parë mori një përgjigje pozitive, Jukla vazdoi ta pyeste Holtën nëse ajo do të ishte e gatshme të linte burrin për 1 milionë euro.
“Jo”, ishte përgjigjja e prerë e Oltës në këtë rast.
Burimi: Energy Radio
