I ftuar në emisionin e mëngjesit në Top Channel “Në shtëpinë tonë”, konkurrenti i eliminuar i “Hell’s kitchen”, Erjon Merdini është përballur me një situatë befasuese kur moderatori Florian Agalliu ka nisur të bërtasë e të thyejë pjatat, siç bën edhe Renato Mekolli.
“Ej o plak na çave trapin, ke 32 minuta që s’po e mbaron dot. Po nuk bëhet kështu o burrë”, dëgjohet të thotë Floriani dhe thyen pjatat duke e lënë të habitur të ftuarin.
Erjoni i kërkon të qetësohet dhe Floriani pasi e sheh se situata u bë serioze i bën të ditur të ftuarit se ishte vetëm shaka.
