Ditën e djeshme qarkulluan me shpejtësi disa pamje ku shihej Rasheli gjatë kërcimit që do bëjë këtë të shtunë në “Xing me Ermalin”. Modelja shfaqej me një veshje shumë seksi që i nxirrte në pah format bombastike teksa bënte lëvizje provokuese.
Vetëm pak orë më vonë edhe Kejvina ka postuar një video në Instastory ku ndonëse e veshur me tuta sportive, i ka çmendur ndjekësit me lëvizjet e saj nën ritmet e këngës latine.
Kujtojmë që pak kohë më parë bëri bujë ajo çfarë Rasheli tha në një intervistë për fustanin e kuq të Kejvinës.
“Unë isha ajo vajza me forma dhe me fustane të ngushtë por ka disa njerëz që mbase nuk i plotësojnë kriteret e trupit me forma dhe i shprehin në një mënyrë tjetër”, u shpreh Rasheli.
Kështu në një farë mënyre vajzat kanë ngjallur rivalitet dhe përballja e parë mes tyre do të jetë këtë të shtunë në “Xing me Ermalin” ku na mbetet të presim edhe pak për të mësuar çfarë ka ndodhur.
