Ilda Bejleri do të rikthehet në ekranin televiziv, në ABC, këtë herë ndryshe, larg sportit, por pranë fëmijëve me spektaklin “T’ka mami yll”. Fëmijët do të sfidojnë njëri- tjetrin në kërcim e pranë mamave të tyre që do të mbështesin e mbrojnë vajzat e djemtë e tyre përgjatë kësaj gare të fortë.
“Pasi riktheva dallandyshet, me një sukses spektaklor, i rikthehem baleti në një tjetër spektakël të jashtëzakonshëm: T’ka mami yll. Dance Reality Show, në televizionin ABC, do të vijë Premierë Absolute, këtë sezon të ri televiziv, nën prezantimin tim”, shkruan Ilda.
Dje kanë nisur dhe xhirimet e para për realizimin e këtij reality show. Koreografi Albi Nako, ideatori dhe drejtori artistik i këtij projekti shpjegon se “T’ka mami yll” do të vijë në ekranin e ABC jo vetëm si spektakël javor, por edhe si një format i përditshëm reality, ku do të zbulohen gjithë dinamikat e sfidave.
Beteja do të filloje së shpejti në ABC, me autorësi të Zefina Hasanit, e njohur si autore e “Big Brother Albania”, “The Voice of Albania” , “Dancing with the stars Albania” dhe “Hell’s Kitchen”.