Alban Skënderaj është padyshim një ndër emrat më të njohur të muzikës shqiptare, këngët e të cilit janë kthyer në hite që pëlqehen jo vetëm në Shqipëri, por edhe jashtë saj.
Madje, hitet e këngëtarit dëgjohen deri në Kinë dhe këtë e ka treguar nëpërmjet një videoje kryebashkiaku i Tiranës, Erion Veliaj.
Ai ka shkuar për një vizitë në Kinë dhe vendasit e kanë pritur me këngën “Mirëmëngjes” të Albanit, të cilës i kishin mësuar çdo fjalë.
“Eci në Kinë me 30 vetë. Se mos e merr vesh Noizy sa fansa ke në Kinë se na fike”, shkruan Veliaj me humor në postim, ndërsa Albani ia ka kthyer:
“Po mirë, s’qenkemi keq! 1/4 e botës e paskemi të siguruar.”