Dy moderatoret simpatike të ekranit, Einxhel Shkira dhe Fjoralba Ponari kanë zbuluar së fundmi të përbashkëtën e tyre më të madhe, për të cilën me siguri as nuk iu shkon mendja: dashuria për fëmijët e klanit Jenner-Kardashian.
Me anë të disa postimeve në Instastory, Einxhel ka treguar se ajo dhe Fjoralba i dërgojnë çdo ditë njëra-tjetrës foto të Stormit dhe Chicagos. Stormi është vogëlushja e Kylie Jenner-it dhe Travis Scott, ndërsa Chicago e bija e Kim Kardashian dhe Kanye West.
“Unë dhe Fjoralba i dërgojmë çdo ditë njëra-tjetrës foto të Stormit dhe Chicagos. E përbashkëta jonë më e madhe”, ka shkruar moderatorja. Po ashtu ajo ka publikuar në Instastory disa biseda me Fjoralbën, ku shihen duke komentuar fotot e vogëlusheve. “Ndjekim rritjen e tyre hap pas hapi”, shkruan Einxhel.